«Հրապարակ».Վրացական ավիաընկերությունը Միխայիլ Բաղդասարովին առաջարկել է փոխնախագահի պաշտոնը

    343

    «Հրապարակ» թերթը գրում է. «Արմավիա»  ընկերության սեփականատեր Միխայիլ Բաղդասարովին վրացական «Georgian Airlines» ավիաընկերությունն առաջարկել է փոխնախագահի պաշտոնը։

    «Արմավիայի» պարտքերի դիմաց վճարեցի «Միկա ցեմենտ»–ով։ Ամեն ինչ նոր էջից եմ սկսել»,– ասել է Բաղդասարովը «Newmag» ամսագրին տված հարցազրույցում, որտեղ բացահայտել է Հայաստանի առաջին ու միակ ազգային ավիափոխադրողի՝ «Արմավիայի» սնանկացման բանաձեւը։
    1996-ին ստեղծված «Արմավիան» 2013-ին ճանաչվել է սնանկ եւ դադարեցրել գործունեությունը։ Ուշագրավ է, որ ընկերության վատ սպասարկման ու բարձր գների պատճառով հայերը վերջին տարիներին գերադասում Էին թռչել «Georgian Airlines»–ի ինքնաթիռներով։

    Փաստ է, որ «Արմավիայի» սնանկացումը սխալ կառավարման հետեւանք էր։ Այնպես որ, մեր հարեւանները կամ սեփական ձեռքով «սարքելու են իրենց գլխին», կամ ապացուցելու են, որ Բաղդասարովի վատ մենեջմենթի մասին խոսակցություններն անհիմն են»:

    Առավել մանրամասն՝ թերթի այսօրվա համարում:

    Загрузка...