Կաղամբի հյութի օգտակար հատկանիշները

    804

    Կաղամբ հյութն ունի բազմաթիվ օգտակար հատկանիշներ, որոնք շատ անհրաժեշտ են առողջության համար: Այն օգտագործվում է ՝ որպես քաղցկեղի պրոֆիլակտիկ միջոց, օգում է խոցերի բուժման ժամանակ, իջեցնում է խոլեստերինը: Այս բանջարեղենը մեծ քանակությամբ բետա-կարոտին, չլուծվող մանրաթելեր, վիտամին B1, B6, C, E, K, ինչպես նաև՝ հանքանյութեր՝ յոդ, մագնեզիում, երկաթ, կալցիում է պարունակում:

    Հին ժամանակներում կաղամբն անվանում էին «լուսնի լույս», քանի որ համարվում էր, որ այս բանջարեղենն աճում է միայն լուսնի լույսի տակ:

    Այսօր կաղամբի հյութն օգտագործվում է մի շարք առողջական խնդիրներ լուծելու համար:

    Կաղամբի հյութը՝ խոցային հիվանությունների ժամանակ

    Կաղամբի հյութը համարվում է անվնաս և արդյունավետ միջոց, որը բուժում է խոցերը: Այն պարունակում է L-գլյուտամին, S-մեթիլմեթ, հեֆարնատ, գլյոկոզինոլաթ, որոնք լավացնում են ստամոքսի պաշտպանական ֆունկցիան:

    Վերջերս արված հետազոտության արդունքում պարզվել է, որ խոց ունեցող 13 հիվանդներ, որոնք 10 օր շարունակ խմել են կաղամբի հյութ, ունեցել են նույն արդյունքը, ինչ 37 օր դեղամիջոցներ ընդունելիս:

    Կաղամբի հյութը՝ քաղցկեղի պրոֆիլակտիկ միջոց

    Մեծ քանակությամբ կաղամբ օգտագործելով՝ կկարողանաք իջեցնել կրծքագեղձի քաղցկեղ ունենալու ռիսկը: Այդ իսկ պատճառով, կաղամբը հրաշք մթերքներից է, որոնք կանխարգելում են քաղցեղը:

    Կաղամբի հյութն իջեցնում է վատ խոլեստերինի մակարդակը

    Հետազոտության արդյունքում պարզվել է, որ այն հիվանդների մոտ, ովքեր կաղամբի և բրոկոլիի սմուզի են խմել, իջել է վատ խոլեստերինի մակարդակը:

    Զգուշացո՛ւմ

    Եթե վահանագեղձի հիվանդություններ ունեք, ապա կաղամբի հյութն օգտագործելուց առաջ խորհրդակցեք բժշկի հետ: Նման դեպքերում այս բանջարեղենը կարող է բացասաբար ազդել օրգանիզմի վրա:

    Աղբյուր` 168.am

    Загрузка...