«Իրատես». ՊՊԾ գնդի գրավումը խառնել է բոլոր քաղաքական ուժերի պայմանավորվածությունները

790

«Իրատես» թերթը գրում է. «Աշնանը նախատեսված են ՏԻՄ ընտրություններ բազմաթիվ համայնքներում եւ մի շարք քաղաքներում։ Գյումրիի հարցում, ի վերջո, ՀՀԿ-ն կողմնորոշվեց, բայց մյուսները դեռ սպասում են իրենց հերթին։ Նրանց հարցում ՀՀԿ-ն դեռեւս հստակ որոշումներ չունի։ Զինված խմբի հարձակումը ժամանակավորապես կասեցրել է բոլոր գործընթացները եւ հանդիպումները։

Մեր տեղեկություններով, մի շարք համայնքների, հատկապես քաղաքների թեկնածուներ ներքին անհանգստություն ունեն, որ քիչ ժամանակ է մնացել, իսկ ՀՀԿ-ի հավանությանը դեռ չեն արժանացել։ Սրան զուգահեռ, Խորենացու փողոցում կատարվածը ժողովրդին բավականին ըմբոստ է դարձրել, ինչի պատճառով ՀՀԿ-ական գործող համայնքապետերն ու քաղաքապետերը մտավախություն ունեն, որ, իշխանության մաս լինելով, շատ դժվար կլինի հանրության վստահությանն արժանանալ ու կրկին ցանկալի աթոռը զբաղեցնել կամ այն հանձնել իրենց նախընտրած թեկնածուին։

Սա հատկապես վերաբերում է քաղաքներին, իսկ փոքր համայնքներում ընտրությունները միշտ էլ անցկացվում են խնամի-ծանոթ-բարեկամ սկզբունքով»:

Ավելի մանրամասն՝ թերթի այսօրվա համարում:

Загрузка...

ԹՈՂՆԵԼ ՊԱՏԱՍԽԱՆ