Աշոտ Եղիազարյանին հրավիրում են բանավեճի՝ «Ծառուկյան» դաշինքի առաջարկած 15 կետերի շուրջ

999

«Չիմանալը մեղք չէ, բայց սեփական չիմացությունը, որպես աքսիոմ ներկայացնելը լավ ապագա չի խոստանում սույն տնտեսագետի վրա հույս դրած քաղաքական ուժերին»,- Aravot.am-ի հետ զրույցում ասաց «Ծառուկյան» դաշինքի համամասնական ցուցակի երրորդ հորիզոնականը զբաղեցնող Նաիրա Զոհրաբյանը՝ պատասխանելով «Ազատ դեմոկրատների» ցուցակով առաջադրված տնտեսագետ Աշոտ Եղիազարյանի հայտարարություններին:

Վերջինս կարծում է, որ «Ծառուկյան» դաշինքի 15 առաջնահերթ կետերը պոպուլիզմ են եւ հայտարարում է, որ դա նշանակում է խաբել ընտրողին:

«Լինի տնտեսագետ, կոշկակար, թե որեւէ կուսակցության դռնապահ, եթե նա իրեն համարում է վերջին ճշմարտության աղանդի ներկայացուցիչ՝ կարծում եմ, այստեղ իրենց խոսքը պետք է ասեն վտանգավոր աղանդների դեմ պայքարի հասարակական կազմակերպությունները»,- ասաց մեր զրուցակիցը՝ ընդգծելով, որ «Ծառուկյան» դաշինքի ներկայացրած 15 կետերն ավելի քան իրատեսական են, ավելի քան իրականանալի են եւ ավելի քան հնարավոր են:

«Եթե տնտեսագետ Եղիազարյանը դա չի հասկանում, ապա մենք պատրաստ ենք տնտեսագետ Եղիազարյանի համար լիկբեզ անցկացնել: Եվ եթե կլինեն այլ տնտեսագետ Եղիազարյաններ, որոնք եվս լիկբեզի անհրաժեշտություն ունեն, պատրաստ ենք նրանց համար եվս հանրային քննարկումներ, հանրային լիկբեզներ կազմակերպել՝ նրանց բացատրելու, թե ինչպես եւ ինչ կերպ է հնարավոր իրականացնել այդ 15 առաջնահերթ քայլերը, որոնք կկանգնեցնեն երկրի անկումը: Ուստի, ինձ թույլ եմ տալիս տնտեսագետ Աշոտ Եղիազարյանին հրավիրել բաց եւ հրապարակային բանավեճի՝ «Ծառուկյան» դաշինքի տնտեսագետների հետ»,- ասաց մեր զրուցակիցը:

Նաիրա Զոհրաբյանը հրավիրում է նաեւ լրագրողներին՝ բանավեճին ներկա լինելու համար:

Загрузка...

ԹՈՂՆԵԼ ՊԱՏԱՍԽԱՆ