Ժողովուրդը իր գնահատականը կնշանակի քաղաքական քննության օրը՝ ընտրություններին…

473

Ընդամենը մեկ ամսից խորհրդարանական Հայաստանում առաջին անգամ կանցկացվեն ընտրություններ, որոնք թե իրենց բնույթով, թե կարգավիճակով՝ միակն են լինելու:
Չեն լինելու այլևս նախագահական ընտրություններ, այսինքն՝ խորհրդարանական ընտրությունները միակ համապետական ընտրություններն են լինելու, ինչն էլ մի շարք այլ հանգամանքների հետ մեծացնում է խորհրդարանի դերը: Խորհրդարանի դերի մեծացմամբ՝ մեծանում է նաև պատգամավորական խմբակցությունների, պատգամավորների դերը, փոխվում է վերջիններիս կարգավիճակը:
Առհասարակ, ընտրությունները յուրօրինակ «ստուգարքներ» են քաղաքական գործիչների համար, որոնցով՝ մեղմ ասած, գնահատվում է վերջիններիս արածներն ու չարածները, ինչի արդյունքում «ստուգարք» ստացողները շարունակում են իրենց գործունեությունը, իսկ չստացողները՝ ժողովրդի կամքով հեռացվում են քաղաքական դաշտից: Խորհրդարանական հանրապետության պարագայում «ստուգարքները» վերածվել են «պետական քննության», որին, բնականաբար, քաղաքական ուժերը պետք է էլ ավելի լավ պատրաստվեն, բայց ոչ թե «քննության՝ ընտրության», վերջին օրերին, ինչպես սովորաբար վարվում են համալսարանների միջակ ուսանողները՝ այլ գործունեության ողջ ընթացքում:
Ինչպես հայտնի է, խորհրդարանական ընտրություններին ընդառաջ՝ քաղաքական հայտ են ներկայացրել քաղաքական ինը ուժ՝ չորս դաշինք, հինգ կուսակցություն, որոնց շարքում ակտիվություն են ցուցաբերում ՀՀԿ-ն, «Ծառուկյան» դաշինքը և Հայկական Վերածնունդ կուսակցությունը: Նույնիսկ առաջատարների մեջ՝ ուզենք թե չուզենք, ընդունենք թե չընդունենք, քաղաքական ուժերից առաջիկա ընտրություններին ամենապատրաստված ուժը, թերևս, Գագիկ Ծառուկյանի ղեկավարած «Ծառուկյան» դաշինքն է: Բոլոր անհատ գործիչների և քաղաքական ուժերի շարքում միայն նա է սկզբունքորեն կատարել իր աշխատանքը, ժողովրդի հոգսերով և խնդիրներով հետաքրքրվել, դրանց լուծում է տվել, ոչ թե «քննությանը»՝ ընտրություններին ընդառաջ, այլ գործունեության ողջ ընթացքում: Այդ է պատճառը, որ Գագիկ Ծառուկյանը, ի տարբերություն այլոց, վայելում է ողջ հասարակության սերն ու հարգանքը, իսկ ժողովուրդը իր գնահատականը կդնի քաղաքական քննության օրը՝ ընտրություններին:
Ինչպես ուսման մեջ, այնպես էլ՝ քաղաքականության, գերազանց սովորող և գերազանց ստացող ուսանողները սովորում են ոչ թե քննություններին նախորդող վերիջն օրը,, այլ ողջ սեմեստր, այս առումով, կարելի է վստահաբար նշել, որ «Ծառուկյան» դաշինքի ստացած գնահատականը գերազանց է լինելու, քանզի ընտրություններին նախորդող ողջ շրջանում Գագիկ Ծառուկյանը վարկյան անգամ չի մոռացել ժողովրդին, չի հեռացել նրանցից: Ծառուկյանը դեռևս 2015թ. հայտնի դեպքերից հետո ևս մեկ անգամ ապացուցեց, որ իր և «Ծառուկյան» դաշինքի գործունեությունը պայմանավորված է, ոչ թե միայն քաղաքական գործընթացներով, այլ՝ ժողովրդի ու պետության առջև ծառացած խնդիրներով:

Загрузка...

ԹՈՂՆԵԼ ՊԱՏԱՍԽԱՆ