Ռուս կանայք ռուս-թուրքական հարաբերությունների կարգավորումից հետո սկսել են վերադառնալ իրենց թուրք ամուսինների մոտ

400

Շատ ռուս կանայք, որոնք ամուսնացած են եղել Թուրքիայի քաղաքացիների հետ, սկսել են վերադառնալ Թուրքիա այն բանից հետո, երբ Անկարայի ու Մոսկվայի հարաբերությունները կարգավորվել են, հայտնում է Hurriyet-ը։

Նշում են, որ ռուս կանանց մի մասը լքել էր երկիրը ռուսական «Սու 24» օդանավի հետ կապված միջադեպից հետո, որը 2015-ի նոյեմբերի 24-ին խոցվել էր թուրքական կործանիչի կողմից ։

Պարբերականի տվյալներով Ռուսաստանի մոտ 60 հազար քաղաքացի է ապրում Անթալիայում, ընդ որում մեծ մասը՝ կանայք։ Մոտ 40 հազար ռուսաստանցի կին ամուսնացած է թուրք տղամարդկանց հետ, ընդ որում ընդհանուր առմամբ նման ընտանիքներում ապրում է մոտ 80 հազար երեխա։

Ռուսական արվեստի ու մշակույթի ասոցացիայի ղեկավար Իրինա Բալչին նշել է, որ երկու երկրների հարաբերություններում սկսված ճգնաժամը ազդել էր թուրք տղամարդկանց ու ռուս կանանց միջեւ ամուսնությունների վրա։

Նրա խոսքով այդ ժամանակաշրջանում մոտ 2 հազար կին լքել է ամուսիններին՝ իրենց հետ տանելով նաեւ երեխաներին։

Նյութի աղբյուր՝ news.am

Загрузка...

ԹՈՂՆԵԼ ՊԱՏԱՍԽԱՆ