Կուզեինք տեսնել՝ հրեշի նման տնտեսության բկին նստած մոնոպոլիստները եկել են հարկային դաշտ. Զոհրաբյան

309

Հայաստանի տնտեսության վիճակն իսկապես շատ վատ է, բայց վատ ասելով որեւէ իրատեսական քայլ այս ընթացքում չի կատարվել, բացի տեսական հայտարարություններից: Այս մասին այսօր՝ հուլիսի 6-ին, 2016թ. բյուջեի հաշվետվության քննարկման ժամանակ խորհրդարանում ասաց «Ծառուկյան» դաշինքի անդամ Նաիրա Զոհրաբյանը:

«Կարելի է թվեր ներկայացնել, մեզ մխիթարել, հազար ու մի միջազգային չափումների թվեր ասել, բայց լինենք անկեղծ, որ մեր արտաքին պարտքը ռիսկային է: Կցանկանայինք, որ այլ բնույթի հաշվետվություն լսեինք, բայց արտագաղթի տեմպերն ահավոր են, դուք ասում եք՝ աղքատությունը նվազել է, բայց մենք իրական Հայաստանն ենք տեսնում եւ հասկանում ենք, որ աղքատությունը կատաստրոֆիկ է դարձել»,- ասաց Նաիրա Զոհրաբյանը:

Պատգամավորի խոսքով. իրենք շատ կուզենային այսօր արձանագրել, որ վարչապետը ժամանակին հայտարարեց, որ տնտեսության վիճակը շատ վատ է, դրանից հետո քայլեր են ձեռնարկվել բարելավելու համար:

«Կուզենայինք այսօր տեսնել ապամոնոպոլացված տնտեսություն, մի քանի մոնոպոլիստներ, որոնք Շվարցի հրեշի տեսքով նստել են մեր տնտեսության բկին, հստակ հարկային դաշտ են եկել: Կուզենայինք տեսնել, որ ստվերը կրճատվել է»,- նշեց պատգամավորը:

Նաիրա Զոհրաբյանը վերջում հայտարարեց, որ իրենք չեն կարող կողմ լինել նման կատարողականին:

Загрузка...

ԹՈՂՆԵԼ ՊԱՏԱՍԽԱՆ