Կալանավորվել է «Զապ» մականվամբ հայտնի քրեական հեղինակության քրոջ որդին

252

Օգոստոսի 18-ին ոստիկանության կազմակերպված հանցավորության դեմ պայքարի գլխավոր վարչության ծառայողները մայրաքաղաքի Բաղրամյան պողոտայի շենքերից մեկում հայտնաբերել ու բերման են ենթարկել Գյումրու բնակիչ, 1982 թվականին ծնված, քրեական միջավայրում հեղինակություն համարվող Արտյոմ Ղազարյանին, ում մեղադրանք է առաջադրվել:

ՀՀ քննչական կոմիտեից Tert.am-ի հետ զրույցում հայտնեցին, որ Արտյոմ Ղազարյանին մեղադրանք է առաջադրվել ՀՀ քրեական օրենսգրքի 34-104-րդ հոդվածի 2-րդ մասի 6-րդ և 7-րդ կետերով, ինչպես նաև՝ 235-րդ հոդվածի 1-ին մասով:

«Արտյոմ Ղազարյանին մեղադրանք է առաջադրվել, իսկ նախօրեին նրան կալանավորելու վերաբերյալ քննիչի ներկայացրած միջնորդությունը բավարարվել է: Արտյոմ Ղազարյանը կալանավորված է»,-հայտնեցին Քննչական կոմիտեից:

Նշենք, որ Tert.am-ի տեղեկություններով՝ քրեական հեղինակություն համարվող Արտյոմ Ղազարյանը քրեական աշխարհում «Զապ» մականվամբ հայտնի քրեական հեղինակություն Անդրանիկ Սողոյանի քրոջ որդին է:

Հիշեցնենք, որ հունիսի 25-ին Գյումրու Սայաթ-Նովայի փողոցում գործող սրճարաններից մեկի դիմաց տեղի է ունեցել փոխհրաձգություն, որին մասնակցել են Արտյոմ Ղազարյանը, 1986 թ. ծնված Կարեն Սարգսյանը և տուժողը՝ 30-ամյա Գեորգի Հակոբյանը:

Դեպքի առթիվ քրեական գործ էր հարուցվել և հայտարարվել հետախուզում:

Արդեն հուլիսի 1-ին սպանության փորձին օժանդակելու կասկածանքով կալանավորվել էր նախկինում գողության համար դատապարտված Կարեն Սարգսյանը:

 

 

Загрузка...

ԹՈՂՆԵԼ ՊԱՏԱՍԽԱՆ