Կիևում Սաակաշվիլիին հետ են քաշել շենքի կտուրից, որից նա սպառնում էր ցած նետվել (տեսանյութ)

781

Վրաստանի նախկին նախագահ, Ուկրաինայի Օդեսա շրջանի նախկին նահանգապետ Միխեիլ Սաակաշվիլիին հետ են քաշել բնակելի շենքի կտուրից, որից քաղաքական գործիչը սպառնում էր ցած նետվել:

Ինչպես հաղորդում է ria.ru-ն՝ ուկրաինական լրատվամիջոցներին հղումով, «Նոր ուժերի շարժում» կուսակցության առաջնորդին, հավանաբար, հետ են քաշել ուժայինները:

Այսօր առավոտյան Սաակաշվիլիի աջակից Դավիդ Սակվարելիձեն հայտնել էր, որ անհայտ անձինք փորձում են ներխուժել քաղաքական գործչի կիևյան բնակարան: Լրատվամիջոցների փոխանցմամբ՝ նրա տուն են եկել իրավապահները, որպեսզի Սաակաշվիլիի քաղաքական ակցիաների ֆինանսավորման գործի շրջանակում խուզարկություն անցկացնեն:

Հայտնի է, որ Սաակաշվիլին բարձրացել է 8-հարկանի շենքի տանիք՝ ասելով, որ եթե իր տանը խուզարկություն անցկացվի, ինքը ցած կնետվի:

Հիշեցնենք, որ ավելի վաղ Ուկրաինայի իշխանությունները քաղաքացիությունից զրկել էին Սաակաշվիլիին, սակայն նա աջակիցների օգնությամբ կարողացել էր ճեղքել սահմանապահների կազմած շղթան ու Լեհաստանի տարածքից կրկին Ուկրաինա էր վերադարձել:

Загрузка...

ԹՈՂՆԵԼ ՊԱՏԱՍԽԱՆ