«Մուլտի Գրուպ» կոնցեռնը Հայաստանի տնտեսության կայացման հենասյուներից է

149

Այն, որ Գագիկ Ծառուկյանը և նրա հիմնադրած «Մուլտի Գրուպ» կոնցեռնը Հայաստանի տնտեսության կայացման հենասյուներից է, դրանում կասկած չկա։ Տարիներ ի վեր այս ընկերությունը երկրի տնտեսության տարբեր ոլորտներում ունեցել է իր զգալի ազդեցությունն ու կարողացել է իր օրինակով ցույց տալ, որ ցանկացած ոլորտում կարելի է կայանալ ու հաջողություններ գրանցել՝ դառնալով մրցունակ աշխարհի ամենահեղինակավոր ընկերությունների համար։
Այս ամենի համար ոչ միայն հիմք են հանդիսացել տարիների քրտնաջան աշխատանքը, նոր գաղափարներն ու լուծումները, այլև ներդրումային ծրագրերը, որոնք մեծ հաջողությամբ իրականացվել են կոնցեռնի հիմնադիր Գագիկ Ծառուկյանի ջանքերով։ Այդ ներդրումները նպատակային են եղել և արտասահմանյան ներդրողը մեր երկրում իրականացվող նախագծերում ներդրումներ կատարելիս հիմնվել է Գագիկ Ծառուկյանի` որպես հուսալի գործընկերոջ` բարձր հեղինակության վրա։Ինչն էլ հանգեցրել է ներդրումային ծավալների աճի, իսկ վերջին երեք տարում դրանց ընդհանուր թիվը կազմել է 1․2 միլիարդ դոլար` արդյունաբերական ու շինարարական արտադրամասերի կառուցում, կրիպտոարժույթի և ոսկու արտադրություն, զբոսաշրջության և սպորտի զարգացմանը, ինչպես նաև փոքր ու միջին բիզնեսի առաջխաղացմանը նպաստող ծրագրերի իրականացում։
Այս խոշորամասշտաբ ծրագրերը անշուշտ բերելու են և դեռ կբերեն հազարավոր աշխատատեղերի ստեղծում։Այս ամենը խոսում է այն մասին, որ կարելի է համառ աշխատանքի ու վստահելի ներդրումների շնորհիվ ստեղծել մրցունակ ու հզոր գործարաններ, որոնք ոչ միայն կսպասարկեն Հայաստանի շուկան, այլև կարտահանվեն արտերկիր։
Հենց այս սկզբունքով է, Գագիկ Ծառուկյանը տարիներ ի վեր` իր ղեկավարած «Մուլտի գրուպ» կոնցեռնի միջոցով ահռելի ներդրումներ կատարել մեր երկրում: Ինչ խոսք ցանկալի կլիներ այս գործելաոճը վարակիչ լիներ մնացած նմանօրինակ ընկերությունների համար, ինչը բնականաբար կնպաստեր մեր երկրում սոցիալ-տնտեսական վիճակի բարելավմանը, արտագաղթի կասեցմանն և աղքատության ցուցանիշների նվազեցմանը։

Загрузка...