20-ամյա երիտասարդին դաժանաբար սպանել էր, դիակն էլ այրել. ոստիկանության տեսանյութը

324

Մայիսի 17-ին՝ ժամը 11-ն անց 25-ի սահմաններում, քաղաքացին հայտնել է, որ 3-րդ գյուղից գերեզմաններ տանող ճանապարհին՝ հոսանքալարերի համար փորված փոսում մարդ է այրվում։

Պարզվեց, որ այրված տղամարդու դին կապկպված է եղել մետաղալարով։

Հարուցվեց քրեական գործ սպանության հատկանիշներով: Նշանակվեց դատաբժշկական փորձաքննություն։

Հաջորդ օրը, ոստիկանության Մաշտոցի բաժնի ծառայողների ձեռնարկած միջոցառումների շնորհիվ ճշտվեց տղամարդու ինքնությունը՝ 1998 թվականին ծնված Մայիս Վարդանյան:

Ոստիկանության Մաշտոցի և Մալաթիայի բաժնի ծառայողները համագործակցելով ոստիկանության Երևան քաղաքի վարչության քրեական հետախույզների հետ, ձեռնարկելով լայնածավալ օպերատիվ-հետախուզական միջոցառումներ բացահայտեցին առանձնապես ծանր հանցագործությունը:

Մայիսի 19-ին սպանությունը կատարելու կասկածանքով ոստիկանության Մաշտոցի բաժին բերման ենթարկվեց 38-ամյա Մհեր Հախնազարյանը:

Ըստ նախնական տվյալների՝ վիճաբանության ժամանակ Հախնազարյանը մի քանի անգամ դանակահարել է Վարդանյանին, ապա դիակը գցել 3-րդ գյուղից գերեզմաններ տանող ճանապարհին՝ հոսանքալարերի համար փորված փոսն ու այրել:

Ձեռնարկվում են միջոցառումներ դեպքի բոլոր հանգամանքները պարզելու ուղղությամբ:

Քննությունը շարունակվում է:

Загрузка...