Ford-ն օգոստոսին 7 հազար աշխատատեղ կկրճատի

40

Ford Motor-ը գլխավոր տնօրեն Ջիմ Հաքեթի վերակառուցման ծրագրի շրջանակում ազատում է 7 հազար վարձու աշխատողների: Ծրագիրն ուղղված է ծախսերի կրճատմանը եւ ավտորարտադրողին ավելի ճկուն ընկերության վերափոխելուն, որը ապագային պատրաստ կլինի ավանդական բիզնեսի սահմաններից դուրս, փոխանցում է Americaru-ն:

Կրճատումները կազմում են ընկերության վարձու աշխատողների մոտ 10 տոկոսը: Մարդկանց մի մասին ազատել են, մյուսներին կկրճատեն առաջիկա 3 ամսվա ընթացքում:

Մոտ 1500 աշխատակիցներ դեռեւս 2018-ի նոյեմբերին են համաձայնվել հեռանալ ըստ կրճատման գործարքի: Ford-ը նախատեսում է աշխարհի բոլոր բաժանմունքներում վերակառուցումն ավարտել մինչեւ ամառվա վերջ: Այս կրճատմամբ տարեկան կտնտեսվի մոտ 600 մլն դոլար, նշված է Հաքեթի հայտարարության մեջ:

Ավելի վաղ Ford ընկերությունը հայտարարել էր, որ 11 մլրդ դոլար կծախսի արդեն 2022 թվականին իր 40 էլեկտրաֆիկացված ավտոմեքենաներից բաղկացած հավաքածուում 16 ամբողջությամբ էլեկտրական փոխադրամիջոցներ ստեղծելու համար:

Загрузка...