Կուտականում կորած 15-ամյա աղջկա դին է հայտնաբերվել

20

Shamshyan.com-ի տեղեկություններով՝ քիչ առաջ հայտնաբերվել է Կուտական գյուղի բնակիչ՝ 15-ամյա աղջկա դին։

Դին հայտնաբերվել է Կուտական գյուղից դեպի Կախակն գյուղի հարակից տարածքի սարալանջի հատվածում։ Այս պահին դեպքի վայր են ժամանում Հայաստանի քննչական կոմիտեի Գեղարքունիքի մարզային քննչական վարչության խումբը։

Հիշեցնենք, որ սեպտեմբերի 6-ին, ժամը 21:07-ին «911» ծառայություն ահազանգ է ստացվել, որ Գեղարքունիքի մարզի Կուտական գյուղում երեխա է կորել (Արեգա Մ., ծնված 2004 թ.), ով տառապում է էպիլեպսիա հիվանդությամբ:

Փրկարարները, ոստիկանության աշխատակիցները և տեղի բնակիչները բնակավայրի տարածքում, ինչպես նաև հարակից արոտավայրերում 3 օր շարունակ իրականացրել են որոնողական աշխատանքներ, որոնք ավարտվել են անարդյունք: Սեպտեմբերի 10-ին, ժամը 10:20-ին վերսկսվել են երեխայի որոնողական աշխատանքները: Աշխատանքներում ներգրավված են եղել 7 փրկարար, ոստիկանության 60 աշխատակից և հարակից գյուղերից մոտ 200 բնակիչ:

Загрузка...