Հրդեհ՝ Զովունիում. Այրվել է մոտ 200 հակ անասնակեր, կուտակած փայտ, սատկել է 8 հավ

13

Հոկտեմբերի 12-ին, ժամը 05:00-ին «911» ծառայություն ահազանգ է ստացվել, որ Կոտայքի մարզի Զովունի գյուղի 4-րդ փողոցի տներից մեկին կից անասնագոմում հրդեհ է բռնկվել: Այս մասին հայտնում են ԱԻՆ լրատվական ծառայությունից:

Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ և հատուկ հրշեջ ջոկատից մեկ մարտական հաշվարկ:

Ամբողջությամբ այրվել են անասնագոմի տանիքը (մոտ 50 քմ), տանիքում՝ մոտ 200 հակ անասնակեր, կուտակած փայտ (մոտ 5 խմ): Հրդեհի հետևանքով սատկել է 8 հավ: Անասնագոմում գտնվող 5 կգ-անոց գազի բալոնը պայթել է:

Загрузка...